سلام تسليمتن بين الجـــدي والغمام=ماقوله الا على اللي يستحقونها
اقرب ياراكان خلك تحت سيف النظام=والا تريح وخله وسط كرتونها

سلام ياصل حدودك يارفيع المقام=لو ان مالي عليها غير مضمونها
راكان وينك عطاشى يعترينا الهيام=على شعور المحاور واجمل فنونها

ياكوكب الشرق مرحومه عليس الرحام=مالوم دار الكنانه باح مكنونها
قمرا تخير تبيها حــرب والا سلام=اظن الاشناب كلها ما يهمونها

يامفضلي تجذب حروفك علي الحرام=انك تصوغ الجواهر ترقي جنونها
قمرا الشعر ترتكي للقاف فوق السنام=تعسف بكار الحروف وترخي متونها

المحترم محترم يفرض علي احترام=لله در الهنوف ودر قانونها
عزالله انك مصيبه لابغيت الكلام=لاعل عشره من الشعار يفدونها

سلم على لابتك وألبس كفون الظلام=واكتب وصية وظرفها على غبونها
اما القراده توجه فيك ولاّ الغرام=دربي صعيباً عل الشعار وشجونها

يابنت خليك بالحكمه ومشيك تمام=ياخوف قلبي بكحله تعمي عيونها
لو تاصلين الزلامي في ضواحي جهام=تروح كل العلوم اللي تقولونها