مامرّ مثل اليوم وامس(ن) وقبل امس = نسريّة(ن) كنّه كما قرّصة الداب !!
ما تقّدر تمسكّ حاجتك تلمسه لمّس = ولا تقدرّتطلبّ حاجة(ن)من ورا الباب
لو قلت: أنا عادي أوقلت:أنا(برنس) = أو قلت: أنا شآيب أو قلت:أنا شاب
مابالقدرّ تفريق جنس(ن)على جنس = عند الولي العلاّم سطّر له كتاب!!
وما بالقدر حيله لجن(ن) ولا اِنس = حيل الله أقوى من أساطيل ألأحزاب
كثير منهو يحتري طلعة الشمس = تاخذ عشر ساعات والثّلج ما ذآب !!
اِ طلب فرج مولآك واحرصّ على الخمّس= تقبّل القبّله توجّه ل (محرآب) -
فالله يعلم عآلي الصّوت والهمّس !! = ومن يطلب المعبود- يرّجيه - ماخاب
اِحفظ وطهّر مسلكك من (خنا) دنّس = الله يقبلّ من تضرّع و من تآب -
قآلوا: تخآوينا نتمشّى تركّ ونّس = في طلّعة(ن) كلّه أصآحيب واقراب
قلت العفو: ماقدرّ على ركّبة الجمّس = ما لذ لي زاد(ن) شهيّ(ن)ولا طاب
ايلآ تعكّر جوّكم صآبكم عمّس !! = ولا يطربكّ بالفنّ والذوق(زرياب)!!