هذي الابيات إهدا للاخ العزيز والشيخ الكريم / عياد بن لافي الطواله
البارحه مابين هاجس وموال = وتسعين مطلع للقصيده لفاني
باللي على بالي ودايم على البال = مايدري اني حاسب له معاني
عزالله انه للعطايا والافعال = وكريم من ناس كرمهم يباني
شيوخ سلمى شيخة لكل رجال = مهما يطول الوقت والا يعاني
عياد لافي لالبس بشت وعقال = تنازلو عنه الرجال بثواني
له مجلس فيه العرب تقبل قبال = ومنقل ثلاثه باربعه مع صواني
والعود الازرق بالدخن رسمة جبال = ومهيله من بن ذاك اليماني
عياد لافي بالوفاء يزيد الاكيال = ابن طواله حي ذاك المكاني
من شاف طيبه والمراجل والافعال = افعال ابو لافي عياناً بياني