هلا بالقصيد اللي نويت اتركه وانساه=مالي حاجةٍ به دام خلي تناساني
ولكن حبيبي غيّر معانده وارياه=بعد شافني في بحر فرقاه غرقاني
او انه تذكر يوم كنت اطلبه وانخاه=يروف بخفوقٍ في هوى حبه اشقاني
او انه رحم حالي بعد ماسمع شكواه=والانسان مايرضا بتعذيب الانساني
او انه درى عن حال من يعشقه وش جاه=وتالم ضميره وانتوى فعل الاحساني
او انه يبى يحد من يعشقه لاقصاه=واختار الجفا للحب والصبر ميزاني
او انه سمع صوت الذي لاغفا ناداه=بصوتٍ يصحّي نايماً كان سهراني
او انه يحسب اني ليا غاب عنا اشناه=ويعرف ردود الفعل لاصرت زعلاني
او انه يبى خله يصوغ الشعر لارضاه=ويكتب به بيوتٍ تسجل بالاذهاني
وكتبنا بيوت الشعر لاجله وغنيناه=ولافيه غيره غاليٍ هز وجداني
خلاصة كلامي ياهلا مرحبا حياه=حبيبٍ رجع لي بعد شاف العنى جاني
بعد مااعتزلت الشعر لاجل الغضي قلناه=ولاجله كتبت الشعر باشكال والواني
هلا فيك ياشعرٍ حسين النبا يقراه=ولو اعترض للنقد من قاصي وداني