لاتحزنين الحزن يثّر على الحال=الحزن هو ساس العنى والبهاذيل
والى حزنتي فيه مايشرح البال=ويبعد مدى همك وكثر الغرابيل
لنام من مابه من الهم مثقال=ثم اهتنى بالنوم في تالي الليل
قومي وصلي واسجدي ذل واجلال=لله وحثي بالدعاء والتهاليل
حتى يزول الهم والغم بالحال=وتنشف دموع كنهن الهماليل
عيشي تحت نور الامل طيّب الفال=وانسي هموم تجهد الحال بالحيل
مادام في جنبك سنا نار رجال=وبجنبك الاخر سنا ضوء قنديل
طفل يشاف بوجهه امال وامال=بكره يجي رجال ضمن الرياجيل
عن وجنتينك يمسح الدمع لاسال=وتسلم خدود(ن)جرحتها المناديل
بس اصبري يابنت والصبر لو طال=يات الفرج لك بالليال المقابيل