الصوره اللـي مرسلين الجنابـــي = من حين جتني ماتهنيت بمـراح
الصبح بدري قمت احسب حسابي = واطلب من الله الهدايه والارباح
اخذت حق الدرب ماي وزهابـي = واخذت للمقناص دربيل واسـلاح
اسبق طلوع الشمس في راس نابي= حذرِ بخطواتي معاكس للارياح
ومديت دربيلي لروس الشعابــي = حروة مراتيع الجوازي بالاصباح
وشفت البدون بحد مرمى الصوابي = بيني وبينه ياهل الصيـد ملواح
واركيت له مركا الغريم الرهابــي = ذباح كان الله رزق فيه ذبــاح
وهذي سوات اللي ليا غاب جابــي = جبته وانا تعبان لكن مرتـــاح