يا دباس مايصبر على الهون يا دباس = الا الرخوم اهل البطون الكبيره
اللي الى عبّاه يبلش بالانفاس = كبر البعير ولا حد ٍ شاف خيره
يعد من روس العرب واوجه الناس = كثير مالٍ جعل ياليه غيره
صارو لنا عنوان مايرفع الراس = يا خيبة اللى حطهم له ذخيره
طهور يا حايل من الهم لاباس = مادام ابو متعب براس المسيره
عسى يجيه العلم من راس عساس = يوصل خبر حايل لجابر كسيره
عبد الله اللي للوطن دوم نبراس = ننخاه بعد الله نظيف السريره
يفني سرايا الدود لا تاكل الساس = ويشب بقلوب الزلايب سعيره