حي الله اللي لحايل مرسلٍ حاجه= حيو بصبي قحطان حيوه ياشمّر
حيو بناصر غياب وحيو به مواجه= يجلس على جاعد ومركاً شدادٍ مقمّر
حيه على بريةٍ ريحته فاجه= زال الخضار ولونها مابعد سمّر
وحيه على هيلٍ من الهند مدراجه=وحيه على زعفرانٍ كنه محمّر
وحيه على عودٍ ازرق يرفع حجاجه= بديار جاوا مغن العود ومخمّر
حي الله اللي سلوم الطيب منهاجه=والطيب بأهل الطيب لو الدهر عمّر
حي الصبي وحي منهو من انتاجه= انتاج قحطان اهل الكنس الضمّر
الآبة اللي للمعادي تطحن علاجه=وحريبهم لو يطول الوقت ماثمّر
ان جا نهار المواجه تعجب امواجه=امواج بحرٍ من تعرض له مدمر