هنيت من قلبـه مـن الهــم مرتاح = ولا شـاف مـن دنـياه هـمً وضيـقـه
ماهـوب مثلي ممتلي قلبه اجراح = ويحس في صــدره سـواة الحريقـه
جرح الزمن ينزف بقلبي ولا انـزاح = وكم لي وانا مخفي اعلوم الحقيقه
اضـحك واجامـل والصبر حيل ذبّاح = والـدرب اشـوفه ميركيف ؟ الطـريقه
اخـفـيتـها بالقــلـب والسـد مابـاح = رغـم الألـم ؟ والجـور ماحـدً يطيـقه
اخشى شماتـة كل دونـي ونبـاح = نـذلً تمـنى اليـوم طـيحـة رفـيــقـه
وعشت الكئابه ما تحاظيـت بافراح = حـظـي تـردا ما ابتـسملي دقـيـقه
جـــاب الخساير كلـها دون الارباح = ثــم حـدني دون الوسّــاع لمضيقـه
لاشـــك نخيتـــه ميـر لاجا ولا راح = خـيّب رجـاي وغــاب عـني بريــقـه
يا ويش اسوي والمقاسيم ياصاح = غربال صـارت للاماني امــعـيـقـه
ولانــي لغــــربال المقـادير نطــاح = ولانيب قـد اللـي ضعـيـف ابـفـريقـه
مشكاي للمعبـود خـلاق الارواح = عـالـــم خفـيـات الضمـيــر وعـميـقـه