ياعين ياللي كل كلمه تبكّيك=روفي بحال اللي دموعك كونّه
ياللي تمنيتي تشوفين غاليك=تصبّري يوم الظروف ابعدنّه
كل العرب ياعين دايم تراعيك=ودّه تعرف اللي دموعك بكنّه
كلمة بأمان الله سبّة بلاويك =يوم الوداع هموم قلبي طونّه
تبكّيك يا عيني تواريخ ماضيك=وذكرى الغلا حدب الحنايا عونّه
(روفي بحال)اللي عن الدمع ناهيك=وهموم قلبه بالصميم طعننّه
اللي يبيك تجنّبين الشرابيك=خوف الليالي سرّنا يفضحنّه
دموعك سبب حزني وفرحة معاديك=نذلٍ دموع فراقنا يسعدنّه
كونّه ايام الفرح عند غاليك =ويصبر وبالايام ما خاب ضنّه