النفس طابت مالها رغبه بشي=بالذات انتي منك النفس طابت
يابايعه حبي ورى نشوة الغي=بعتي مشاعر فيك هامت وذابت
طويت ماضي عشرتك كلها طي=ومشاعري عن مثل شرواك تابت
كنتي على قلبي مثل شربة المي=كنتي الوفا واصل الوفا منك نابت
لكن صدمتيني وانا مالي ايدي=حتى عيوني لعاصي الدمع جابت
صدمة ثقه باقي معي جرحها ني=كانت ثقه ليت الثقه فيك غابت
انتي ولك عن لاهب القايله في=وانا رموشي من الغرابيل شابت
واللي كسر قلبي وذبحني وانا حي=اني هقيت وهقوتي فيك خابت