بيانات اضافيه [ + ]

رقم العضوية : 35  تاريخ التسجيل :  20 - 04 - 2006  أخر زيارة : 06-03-2012 (01:06)  المشاركات : 103 [ + ]  التقييم :  10

لوني المفضل : Cadetblue

السلام عليكم و رحمة الله و بركاته..!



متواضعه بين ابداعات اخواني ..!

	لا تشفع للغياب

	مزون الدمع.. لو ماها يهلي.. ............... مـا أبرت علتي.. و ازداد غلـي..! من البارح وسيل الدمع يدرج..! ............... الا يالضيق قـلي.. وين اولـي؟..! تكسّر عبرتي.. بأقصى ضميري.. ............... و أجي بنطق و لكن .. ما يحصلي..! اسوق الرجل مدري.. وين اسوووقه.. ............... ياضيق الكون.. ضايق.. في محلي..! مللت من الحياة.. و من غثاها.. ............... و مثلي من غثى الدنيا.. يملي..! تكدّر صفو عذبات المشاعر.. ............... و شان البال.. يوم ازعلت خلي..! و انـا و الله ما ابيـه يتـكـدّر.. ............... و لا يغبن.. ولا والله.. يذلـي..! و لكـن.. كلمةٍ زلّت.. و قلته.. ............... يا ليت الموت جاني.. قبل أزلي..! و هو ما قال لي.. أُفٍِ و اعرفه ............... يذوق الموت مني.. ما يقولي..! كريمٍ بالتـودد.. و المشـاعر.. ............... شحيحٍ بالجروح.. و بالتغلـي..! فداه اللي بقى لي من حياتي.. ............... فداه الكون.. مع حالي.. و ملي..! مزون الدمع.. لو ماها يهلي..! ............... ازادت علتي.. و ازداد غلي..!

و سلامتكم

اخوكم