الصدر طيرٍ.. و الفضا كله.. احزان..=و انا خويي.. ما يصيد الهزيله..
ساعة تعلّق به.. و انا خاطري شان..=بنيت.. "بيت الشعر".. و اسرجت خيله..
و سميت.. باسم اللي كفل.. "رزق الانسان"=ارضاه.. غايه.. و فعل امره.. وسيله..
جلّ.. و تعالى الله.. علاّم ما كان.. =و ما لم يكن.. لو كان.. وشو حصيله..
ربٍ.. خلقني من عدم.. ثم سواان..=و ابدع بتركيب.. "العظام النحيله"..
آمنت بك يارب.. و ارجوك.. غفران..=تمحى الذنوب.. اللي متوني تشيله..
يا مفني الكائن.. و يا مكوّن الفاان..=يا واحدٍ.. أخاف منهُ.. و أجي له..
يا حي.. يا قيّوم.. يا رب الاكوان..=اشكي عليك.. من الهموم الثقيله..
رحماك يا ربي.. و عفوك.. و الاحسان..=عبدك.. و ارجوك الهدى.. و الفضيله..
و يا رب اعصمني.. عن اغواء.. شيطان= نفسي.. و جنبني دروب الرذيله..
و استر علي.. في يوم روغات الاذهااان= يوم الخليل يفر.. منّه.. خليله..
كل امرءٍ منهم.. بشانه.. و بلشان= يوم الحساب.. و يوم فوز.. و فشيله..
ترجح موازيني.. وأسكن لي جنان= آكل من اعنابه.. و اطالع نخيله..