ازهم ازهم يابو غازي كل شعار النشامى = ودي اسمع حل لغزي باللحون السامريـه
ويش بناتً يالنشامى بالقدر دايم عظامـى = منهن ثنتينن يمـرن دايمـاً والشمـس حيـه

لغزكم يالمفضلي معـروف مافيهـا كلامـا = الصلاوات العظيمه راحة النفس الشقيـه
مير ابنشد عن حلال ٍ مادخل فيه الحراما = وعن صيـام بـلا صـلاة ٍ حكمهـا فالحنبليـه

يـاعـطــر لله درك جــبــت حــلــه بـالـتـمـامـا = وانت نائب طال عمرك بالحلول عن السميه
مـيـر لـغـزك مانـحـلـه لـوجـلـس 20عـامــا = كيـف جبتـه ياعميلـي بيـن ذيـك وبيـن ذ يــه

طيـب ابيعـه عليكـم كـان لــك رغـبـه تسـامـا = بــس لاتبـخـس ثـمـن لـغـزي ولاتطـلـب قالـيـه
انت عاقـل وانـت ذرب وماكـر الحـر القطامـا = هات سومك ياعسى السومه من السايم قويه

ويش بناتً طال عمرك لهن هيبه واحتراما = مير اخــــــوهن لاوصلهن ذبهن بالمهمهيه
والعدد قالـــوا ثلاثه وبالاسامي تر تسا مــا= وان اخوهن طال عمرك فاقهن قــــدر حميه

البـنـات نـجـوم ضـابـط النقـيـب ولــه مقـامـا = والاخــو تــاج ً ورائــد والـرتـب للعسـكـريـه
ودي أسأل وانت ركز فـي جوابـك باهتمامـا = ويش مقبل ويش ماضي ويش حاضر للبريه

يالعطر مافيك حيلـه ياصلاتـي والسلامـا = انت بنكً طال عمرك من البنوك العالميه
لاتسأل ولانسأل وروسنـا قامـت تـوامـا = الــرجــل لله دره يـالـحــرار الصـيـرمـيـه