شمر عزيزه ومنهـا العزيعتـز=يركع جميع العز لاشاف عـزه
فعله ليا قامت له الكون يهتـز=يشهد له التاريخ في كل حـزه
رضيعهم لاقبل له الشيخ يرتـز=ويسمع تراحيبه سكـان غـزه
ورجالهم لو هو من الفقر مرتز=تلقى به النخوه وعـزه وفـزه
واجسادهم للموت ماهيب تهتز=عز الضعيف اللي به الوقت لزه
يشهد لهم تاريخ لليـوم مهتـز=وحاتم وعنتر في ثراها ملـزه
وبرزان لو منهد بالعين مغتـز=واعيرف الشامخ كلـن يخـزه
شمر ذرى المضيوم لامنه التز=كم واحدن منهم شاف المعـزه
شمر ليا ذكرت بها الراس يغتز=ومن قال من شمر فعله يـرزه
وكم قايدن من فعلهم صار مجتز=عقب المعـزه للذيابـه تهـزه
واقولها بالصوت لاشحد ولاابتز=من غيرهم بالكون الطيب هزه
ولي الفخر شمر وانا فيهم اعتز=اهدي لهم روحي بكفـي ارزه
واقولها شمر بها العـز معتـز=واللي يبي يزعل بقبره نكـزه