إشـتقت فـي ليلي الى نظم الأبيات=شـوق الـفقير الـلي تمـلّك عــماره
كـن الـبيوت الـيوم وسـط إنتخابات=كــل ٍعـلى الـثاني يـريد إنـتصاره
الـشعر مـن ربـي جـزيل العطيات=مـنحوت فـي صدري وعقلي مداره
مـا دامها بـالشعر عـندي ابتكارات=تـلـقى قـصـيد ٍ يـعجبك ب إبـتكاره
مـاهمني هـرج الـبشر و التشمات=هـرج الأوادم فـي قـصيدي صداره
و بـغيّر الـموضوع بأحلى العبارات=يعني على ماقيل " وضع إستداره "
شـفنا قصيد المدح في كل الأوقات=و مـدح ٍعلى غير الحقيقه خساره !
لـكن بـحولها عـلى الـنصح لحظات=يـمكن ظـلام الـليل يـشرق نـهاره
سـيّر على ربعك ترى الطيب مامات=لاجـيـتهم يـمـكن تـعـود الـزيـاره
للهم فـي وجـهك رسـوم وعلامات=رجــل ٍ بـلـيا ربــع ذاق الـمـراره
ولا ذقـت مـن ربعك كثير المعانات=خــل الأجـانب فـي حـياتك تـجاره
وإن ضاق صدرك من جميع المجالات=هــون وهـونـها وصــل إسـتخاره
يـاكم شـخص ٍهـمه الـجار بـالذات=ويـاكـم شـخص ٍهـاضم ٍحـق جـاره
لا واحـسـافه يـا رجـال الـمـهمات=الـجار حـق الـجار سـوق الـبشاره
مـاهو بـتطويل المشاكل والأصوات=ولا بــتـزويـد الإثــــاره إثـــاره
وش فـايدة عمرك بصوله و صولات=مــا لـلـذنوب إلا غـسيل وطـهاره
ولا شـفت بـالدنيا كـثير الـمتاهات=إرجــع لـبـيتك لا بـغيت إسـتشاره
أبــوك حــلال الأمــور الـصعيبات=وأمــك وأمــك لا تـخـلي قــراره
وأخـوانك سـيوف ٍتـلامع شطيرات=لا إحـتجتهم كــل ٍتـقـادح شـراره
وبـقّفل الـموضوع وأرجـع لما فات=يـالـعـنبو شــعـر ٍبـلـيـا حــراره
قــد قـلـتها مـره وأعـيده لـمرات=راسـي وراسـي مـمتلي بـالنعاره