آهـ يا خيل ٍبصدري ما قدرت أمسك رسنّها=كل ما أغفى تزاحم وسط ضلعي مستذيره
كنها من كثر حزني تعزف ب قوسي لحنّها=والحوافر وسط قلبي كالسكاكين الشطيره
أحزنت عيني السهيره وأحزنت معها وطنّها=والصدر معها ينادي ضايق ٍ تسمع زفيره
والله إن الحزن فيني مهرة ٍ تعرض فتنّها=ماتنام الليل كله لين حزات الظهيره
والجروح اللي بجوفي مالقت منهو حضنها=ترسم أشكال الحزن بأنواع و ألوان ٍكثيره
و العذارى في حروفي جملة ما جزّت عَنها=آهـ ياويل العيون اللي من أسبابه سهيره
في خيالي حلم ٍ أقشر زود بنفسي حَزنّها=يوم جيت البير شفته طاح دلوه وسط بيره
والنفوس اللي علينا زايد ٍ فيها شحنّها=والله إني ماذخرت اللي لها وسط الذخيره
تجتمع لا جاء عشاها وتختفي لاأنهت صحنّها=تبتسم لحظة حضوري والله أعلم بالسريره
نعنبو جد النفوس اللي تعلق به عفنها=العفن فيها تزايد تسمع أصوات لهديره
والحروف اللي هوتني حاضر ٍ معها كفنَها=ما درت إني أحاول من سنيني بالجبيره