( اضرب على الكايد ليا صرت بحلان=عند الولي وصل الرشا و إنقطاعه)
هذا كلام ٍقاله أول كحيلان=واليوم خذها يارفيقي وداعه
أما تجيب الشعر و القاف مليان=ولا توقّع لا تطيح إنخثاعه
الشعر معنى مايجي دون عنوان=وكل ٍعلى عقله يجيب إختراعه
وقت ٍيشيل فلان و ينزل فلان=كم شاعر ٍشعره مجرد مياعه
منهو ترجى الشعر لا شك منهان=سفينته طاحت و روّح شراعه
شعر ٍبليا صدق راعيه خسران=خسران لو يملك بنوك الزراعه
ان ماكسب شعره على كل ميدان=بعده عن الأشعار كنز القناعه
ما قول شعري نظم لولو و مرجان=الراي راي الأجنبي و الجماعه
عندي حروف ٍقافها وسط نيشان=عليك يالسامع تعيد إستماعه
المال خلا أرذل الخلق شيخان=والفقر ذل أهل السطر و الشجاعه