دكتور يادكتور ماللهوى طب=دامك طبيبٍ بالعياده مداوي
أنا مريضٍ علتي علة الحب=إكشف علي وشوف قلب العناوي
أرجوك يادكتور فيني تطبب=قلبي غدت به ريم مدري مضاوي
من يوم شفت الزين قلبي تعذب=بسوق النخيل بليلة العيد ضاوي
قلت السلام وقال خلك موأدب=يومك تقز بعين وش انت ناوي
قلت الصراحه ودي منك أتقرب=والحب بلوى من عظيم البلاوي
وقفت وقامت من كلامي تعجب=قالت وعد نرضيك بليلٍ خلاوي
دامك تحب انا بعد مثلك احب=حبي وحبك والغرام متساوي
دوك الرقم واياك برقمي تلاعب=لا احد يشوفه منك خلك نداوي
ولا جاء في تال الليل كلم وجرب=تراي احب مغازلك يالشقاوي
وراحت تمشى ونار قلبي تلهب=وقمت اتابعها في جميع الزواوي