من لاحتسب واخذ أحساب الرجاجيل = ماعاد يحسبله ولاخذ حسابه
ومن لاتهيب مايهيب الرجاجيل = ولاظن عصمان الشوارب تهابه
ومن صغر زحول الرجال الحلاحــيل = يصير بعيون البشر كألـــــــــذبابه
ومن قال انا ذيب الرجاجيل حلحيل=عند المواجه تفترسه الذيابه
ومن أستهان بكاسبين التنافــــــــيل = يلقأألأهانه فينهاية جوابه
وراع الكبر والكذب من ويل في ويل= والحسد يفني صاحبه لابــــــــتدابه
وكلاً على ماقيل يجني المحاصـــيل =ويللقأ نتيجه ماعمل في كتـــــــابه
قلت الحقيقه لرجال الحلاحــــــــــيل =واللاش يعقب ماحسبنا حســــابه
تمت وصلى الله على صفوت الجيل = الهاشمي سيد البشر وصـــحابه