ياصـار عـقـلـي كـامل(ن) ومتعافي=غنيمةٍ ماتـنـشـرى بـ الفلوسي
بالعز لو أمشي على الرجل حافي=أخير من مركب جديد الجموسي
وأشفق على مسيار خطو السنافي=وعند الردي لي مايطيب الجلوسي
الي على الشدات ياعد ويافي=مهو الذي عند اللوازم نسوسي
وربعٍ حشام ماحكوا بالمقافي=خالين من بعض الوجيه النحوسي
مع دلةٍ فنجالها كـ الرعافي=حبه على كيف المزاج محموسي
عمّالها قرمٍ من الغوش وافي=يبين فعله بالنهار العبوسي
ماهو من الي طيبهم بالعوافي=عند العذارى يزندون الضروسي
هذا مراد الكيف ماقلت كافي=هذه تفاكيري وهذه حسوسي