قبل أمس .. كانوا ..بالحنايا ..رجاجيل !!=واليوم ..راحوا ..مابقوا ..بالحنايا
جلستهم ..مجلاس ..طيب ..ومعاميل=عطيتهم ..ماقلت ..هاتوا عطايا !!
ماكنت ناوي ..أتشره ..ولا اشيل=لين إفضحهتم ..سود ..سود النوايا
ماكل من سولف ..وفض الاقاويل=يثبت كلامه ..في فعول ..وسوايا
أحدن .. ( كريم مهايطه ) ..لكن ..بخيل=وأحدن بخيل ..بصك باب العطايا
وأحدن خطا تعطيه لاجاك ..تهميل=وأحدن عدم تهميل قدره ..خطايا
وأحدن قضيت بغيبته ..تسهر الليل=وأحدن حضوره مثل .. غث القضايا
المرجله ..ساحه وفرسان ..مع خيل=والطيب يبقى ..للرجل ..بالبقايا
والوقت لو هو مال .. ( والله فلا اميل )=اما يجي ..وياااااي ..والا ..معايا
يطيح حيل عداي ..ماطاح بي حيل=لاجوا شظيه ..جيت ..كلي شظايا
هناك أنا جالس ..ومن تحتي سهيل=ماني هنا ..والا ..هنا ..بالزوايا
واليا نزلت ..انزل ..مثل نزلت السيل=إسقي فياض اللي ظماني ..هدايا
بقول أنا منهو ..!! ولاودي أطيل=( أنا ضحوي ..واللي وراي ..الطنايا )