يامرحبا عداد همال الامطار = واعداد من لبى ببيته وطافي
بالصاحب اللي له معزه ومقدار=يستاهل التقدير هاك السنافي
ضيف ٍعلى الكرسي وبالقلب له دار=من حشمته نظمت زين القوافي
لو كان من بيني ومابينه إديار = لكن عندي فالحشا له مضافي
اغليه والله عالم ٍ كل الاسرار = غلا الرجال اهل القلوب النظافي
عساه في دنياه من ضمن الاخيار= عسى سنينه كل ابوها عوافي
وفالاخره في جنة ٍ كلها انهار = ومن حوض سيدنا شرب له غرافي
وختامها مني تحيه ومعذار = ان كان حرفي ماوفى للسنافي