مطيبـك قلب(ن) علـى الدنـيـا مصبـرنـي= يـاقـف مـعـي بالـزمـن مهـمـا تحديـتـه
فـالـوقـت حـلــوه ومـــره دوم خـاشـرنـي = ولايشتكـي لـو طـوال الهضـب عديتـه
عشرين عاماً مضت والقلب خابرنـي = مـاهــزه الـوقــت لــــو الــوقــت هـزيـتــه
يـقـول إلــي عـزتـي لا حــدن يـدورنـي = والا السنافـي علـى الفزعـات خاويـتـه
أبـوي شيخـاً عـلـى الـطـولات دربـنـي = لا وقـفـت بالنشـامـا جــو عـلـى بيـتـه
لـكـن أبــه زول ربــي لـــه مصـخـرنـي = وبالفعـل أنــا يـارجـال الـعـرف حبيـتـه
أبهـــا جــمـــالاً يـمــيــن الله بـاهــرنــي = لو اكتب الشعـر فيهـا قـال: ماوفيتـه
غــرونً أشـوفـه مــع الـبــدوان قـاهـرنـي = وانـا الصراحـه بنفـس الوقـت هاويتـه
يابنت حبك مابين الناس عاسرنـي = أخفيه وان جيت يمك غصب جاريته
وشلون أبملك شعوري وأنت جابرني = بعيونـك السـود سيـف المـوت سليتـه
قـــل للمظـالـيـل لــــو مــــره تـسـايـرنـي = بشكي لها الحال واللي منـك عانيتـه
وأسال شفاهك عن اول ليل سامرنـي = وانشد كفوفـك متـى اخـر ليـل ظميتـه
مـتـى عـلـى الله تـجـي ليـلـة اتدورنـــي = وانـــا بـعــز الـمـنـام الـطـيــف نـاديـتــه
وياصاحبي خـاف ربـك قبل تهجرنـي = واذكـــر شـجــاعن فــــؤاده كــــم تمـنـيـتـه
لكـن أبـه شـئ امـانـه بــه تصارحـنـي = الـقـلــب هـــــاذاك بالله ويـــــن وديــتـــه