البارحه محمد هجر عيني النوم=مدري علام النوم محمد جفاني
ماهي غريبه جفوته دايم الدوم=اللي غريبه دمع عيني غطاني
أحس في صدري ملاهيد وهموم=ظرفي صعب والحظ يمه حداني
أنثر دموعي نثر سيل" من غيوم=ولاتطفي اللي في ظلوعي كواني
كني كسيرا" طاح من تالي القوم=وخلوه يوم ساقه غدا معوجاني
ذيب الخلا والجوع والموت محتوم=واصبح يعد لنفاس عمره ثواني.
قلبي مثل قلبه كسيرآ ومظيوم=يوم أبتلاه الله حزني بلاني
لاشك انا حزني به القلب موسوم=خوفي وهمي من زمان" غزاني.
زمان صار الحر ينعق مع البوم=وصار الاسد يخاف من ابوالحصاني.
فرق كبير محمد بين امس واليوم=ليت الفرح يرجع لباقي زماني
يوم الطفوله غارقه بلذة النوم=ماشلت هم الوقت وظرف" عصاني

وعــيني اللي حــــاربت لـــذت النـــوم=قــامت تهل الدمــع دمــعه عصـــــاني
هيضت من وسط الحشـــا كل مكتوم=مما قـــــريته حــزت الفجـــر جـــاني
حيــيت ياخـــط(ن) من( ال0000) مختوم=أغــلا الرســـايل من عزيز(ن) لفـاني
أقـــرا وهــلي بــه وانا حيل مهـموم=واللي بقــلبك ياحيـــــاتي كــــــواني
عايشـــت وضــعك من بديــتيه لليوم=بسنــيـــنها وشــــهورها والثــــواني
لقيــــتك مكــافح لـو الحـــق مهضوم=واللي صـــبر ملـــزوم يلقى الأمـــاني
اصبر ترى لك بين الارزاق مقســــوم=حقك يجي لــــو حاوله شخص ثــاني
فيا الله يالمعـــبود يافــــارض الصوم=تفرج همــوم (ال0000) واللي تعـــاني