إذا المراجل لبسة شماغ وعقال ...
قل للعذارى يلبسن العمآآآآآيم ..!!
ماعاد يفرق زول حرمه ورجال ...!!
دام الفعايل تشبه البعض دآآآآآيم ..
المرجله ماهيب كلمه وتنقال ..!!
وتروح ماراحت هبوب النسايم ..
وإلا خشونة صوت أو رفع الأثقال ..
أو رزة صدور وفعل الزلآآآآآيم ...!!
ولاهي بعد مفتاح موتر وجوال ..
ولا ردي لسان حديثه شتآآآآآيم ..
المرجله شيمه عن القيل والقال ..!!
رفيع نفس(ن) حر بالجو حآآآآآيم ..
المرجله عقل(ن) وزن وزنه جبال ..!!
ودون العقل وش فرقنا والبهآآآآآيم ..
يامسندي لو مايل الوقت بي مال ..
ياولد أبويه ياعظيم العزآآآآآيم ..!!
يامعرب الجدين من(عمن) وخال ..
يانخوة المفزوع وقت اللزآآآآآيم ..!
المرجله ياخوي هي طولة البال ..!!
هي العزم هي الصبر في الظلآيم ..
فيها الكرم عزه و دله و فنجآآآآل ..!!
فيها الكرامه عن ردي الطبع شآيم ..
والدين لامنه خذا القلب منزآآآآآل ..
مشى طريق الحق وإبليس نايم ..!!
ومن لاعرف ربه في طيب الحال ..
لابد وقت الظيق بالهم هآآآآآيم ..!!
حتى صلاتك مع جماعات و رجال ..
في خيرها ياخوي نعم الغنآآآآآيم ..
ولامن نصف ليلك قم صفي البال ..؟
ياعظم أجرك بين ساجد وقآآآآآيم ..
ولامن رفع ربي له كل الأعمال ..!؟
حسن الذكر لاقالو فلان "" صآيم ""
وخلك شريف القصد ياطيب الفال ..
سوء المقاصد فالبيوت الهدآآآآآيم ..
وإحذر تبيع النفس في درب الأنذال ..
وتتبع خوي إبليس راعي النمآآآآآيم ..
النفس خيل(ن) لك إذا كنت خيآآآآآل ..
ومن لاقوى نفسه قوته الهزآآآآآيم ..!!
ولاصرت ماتدري لويش أنت رجال..؟
والله خساره فيك ذبح التمآآآآآيم ..!!
منقول رائع