% ابو التجارب وملاهد بالدزليب %
تسمعون بالمثل المصري اللي يقول
( اتلم المتعوس على خايب الرجا )
هذا سلمكم الله في اثنين شباب هايتين بحدى قرا حايل
مالهم لا شغل ولا مشغله
الاول اسموه ملاهد
والثاني اسموه ابو التجارب
كانت عيشتهم ماشيه بالبركه
وبيوم من الايام وصلت بهم الطفره الى تحت الحديده
قال ملاهد لابو التجارب
اسمع وانا اخوك عندي فكره صهيونيه مهجده مقربعه من زينه يوجعنك اذانك
قال ابو التجارب وشهي
قال شف نبي نروح على ددسنك ونسرق معزا جاركم ابو غازي
ونروح للرياض نبيعهن
قال ابو التجارب وليه ما نبيعهن هنا بحايل
قال ملاهد
لاااااا يالهيس انت ما تعرف جاركم ابو غازي
والله يدور عليهن لو بجيزان ( عندوه ابعد شين الرياض )
قال ابو التجارب تم
وهم يغيرون على شبك ابو غازي ويسرقون معزاوه
وبوجههم للرياض ويبيعونهن
وهم يروحون لشقق مفروشه ويستاجرون هناك ( قمة الطموح عندهم )
قال ابو التجارب اسمع يا ملاهد
قال ملاهد هاااه
قال نبي نروح للسوق نتمشى ونغازل ( الحظيظ اللي ما يعرفكم )
وهم يروحون لسوق حجاب بالنسيم
وفرري
ودوجه
الله يجيركم وهم يلابطون وحدتن من الشغالات اللي يبيعن بالبسطات
يشوفونه متنقبه ويحسبونه سعوديه
يشوفون الشغاله تضحك عليهم يحسبونه متحطمتن على شدوقهم اللي لاعبن به المشق
وشوين ولا هذا جمس الهيئه مطبحن عليهم
وهم يكرفتونهم وللحجز
وهم يحلقونهم على الصفر
( الواحد غدا دماغوه تقل بريدز كشته )
وبعد ما رفعوا اوراقهم للشرطه طلبتهم الشرطه
ويوم حضروا عند الضابط لياوالله هذا ابو غازي وجهوه تقل صميل مسنتر عند الضابط
وتصير القضيه قضيتين
وهذولا هم
انا بس بغيت اعلمكم انهم راعين سوابق
وتقلدوا تحيتي
|