ياخاطري ذا الزمان وذي عذاريبه=خساير ايامنا تفني مكاسبها
لو طاب جمه وزانت لك مشاريبه=يظّهر لك الوقت عيباً في مشاربها
لولاي اسج لشعيباً عاوين ذيبه=واجمع حصايل كنوز الفكر وأعذبها
واقول طاب القصيد وطاب ترتيبه=جيب القلم ياجميل الخط واكتبها
لكفخ كفيخ اشقراً بكفوف قضيّبه=حزة هداد العصير وحل واجبها
من هاجسً بالضماير قام يومي به=اوماية الفاتنه لرخت ذوايبها
البارحه والصواب اخطيه واصيبه=والنفس فاحت على موقد مطالبها
تومي بها شرهة الطولات والطيبه=استبشرت ليلها والصبح كذبها
يالايمي في زماناً قمت اهذريبه=مرة مذاق الغباين قوم جربها
وقتن يطش النشامى في عراقيبه=يلعب بها لاتضن إنه يلاعبها
شفت الخطا والصواب يقودن مصيبه=خلايقن مستهينه في مذاهبها
لاقل قدر الشباب ال لحية الشيبه=لارحم ابو لحية الدنيا وشاربها
اكبر من العقل واصغر من مواجيبه=واقبح على جبهة الساجد ابماغضبها
يصوم راع القدر لا قل ترحيبه=وتفطره هرجة الطيّب ويرغبها
ومن حاضر الوقت نقراء المقبل وعيبه=والناس عابت زمنا من معايبها
ومادام هذا نباء الوقت ومراقيبه=وش تخفي الطامنات ومايلوذ ابها