الأخوان الكرام
جاني اتصالات كثيره من بعض الشباب الله يحفظهم يطلبون تنزيل
هذه القصيده بهذا المتصفح ولأجلهم تم تنزيلها وممنون لكل الهيافا
((الـهـيـافــا))
هات القلم واكتب من الشعر بيتيـن=اكتب من الخاطـر ورتـب مقالـي
وجه سلامـي للربـوع العزيزيـن=واحشمه عن قول الخطاء والهزالي
سلم على جمـع الهيافـا ملاييـن=سلـم علـى شيبانهـم والعيالـي
ابن سند والدوح ومفلـح مسميـن=شيوخ الهيافا مـن قديمٍ وتالـي
اعلومهم تملاء صـدور الدواويـن=هـذا الصحيـح ولايبيلـه جدالـي
ربعي هل الطـولات اول وهالحيـن=مزبان من ضاقـت عليـه الليالـي
زبن الجـلاوي لاحـدوه المعاديـن=ينـام عـده بيـن عمٍ وخـالـي
عز الدخيل اللي شكا الهـم والبيـن=ربعـي مـلاذه محتميـن التوالـي
ربعي رفيعيـن المكانـه سلاطيـن=يرسون مثل مشمرخـات الجبالـي
زحول الهيافـا بالملاقـا ضريريـن=لاصاحن الخفـرات ويـن الرجالـي
يردون حوض الموت سطوه وصلفين=رجـال باللقـوات مثـل الجمالـي
غوش الهيافا مرجحيـن الموازيـن=ياحظ من حطـوه ضمـن الغوالـي
ننسى العوايـد والقيـم والقوانيـن=لاطوحن بالصـوت سـود الشيالـي
نسكر عيا بالكون نقلـب شياطيـن=مايهمنا مـن خصمنـا مانبالـي
نقلب كيان القوم حكمـة وغاويـن=فينا سطر فينـا جنـونٍ خيالـي
فينا طناخة روس بالطيـب وافيـن=الضيف نكـرم شاربـه بالجزالـي
وقت الرخاء رحبين رحبين رحبيـن=الاجنبـي كنـه رفيقٍ مـوالـي
قصيرنا قدره على الـراس والعيـن=نصيرلـه مثـل القـراح الزلالـي
واختام قولي ياعرب قولـوا اميـن=ياعل اخو عمشـاء بـدار المعالـي
وارجو السموحة والعذر يالكريميـن=ماكامـل الا وجـه رب الجـلالـي
نهيّر نمش جازع الحسيني