منك بدى الهجران من دون الاسباب=اليوم وش نزل معالي جنابك
حسيت عقب العز في ذل الاحباب=ولا الليالي هزتك في غيابك
ما عدت أشوفك بين الأهداب جذاب=دور على غيري يذله شبابك
دور على اللي يمنحك قول كذاب=ومن بعد ما يقراك يطوي كتابك
خلك بعيد اليوم حنا لك اغراب=إلا إذا تبغى مضيفٍ هلا بك
لا ترتقب زولي يمرك على باب=مسحت من فكري تواصيف بابك
فارقـتـنا في يوم كنا لك اقراب=واليوم حنا نبتعد وش لفابك
جارتبك الدنيا وخانتك الأصحاب=وبانت مذلت من هقيت وهقابك
انت الذي أخترت لك درب دولاب=دوربك الدنيا بعيدٍ وجابك
سار القلم فرحان ما يكتب عتاب=وعاود يقول اللي بخطه بدابك
منك بدى الهجران من دون الأسباب=واليوم وش نزل معالي جنابك