حي الحــــــــــــرار اللي تدور الفضا دور=وتشوف ما يخــفــى على قاصر الشـوف
بـيـتٍ فــقــد غالـــــــيه واسْــطْـه مكسور=وقلبٍ على واليه خــــــــــــايف وملهوف
لا تبكي المفقود جـــــــــــــــابوه مسرور=أهل النوايا البيض والطـــــــيب مردوف
وقت النوايب لا انتــخى الواجب حضور=تكتبهم الفزعـــــات قيفــــــان وحــروف
نايف حــــــــــــــــريب الذل للعز دستور=ومناحــــــــي اللي ماكــره عالي النوف
وحي الرويلي مشـــــرق الجود والنور=وعضيدي اللي لا اعتزى ينزع الخوف
ونقذه نقَـذ من يشكي الجــــوع والجور=يزهونها الصلعان فريّـــــــس وسيوف
تبقى الفعايل نقــــــش بالوقت مسطور=تُومِي لهم بالمجد حــــــايل مع الجوف