بيانات اضافيه [ + ]

رقم العضوية : 4117  تاريخ التسجيل :  29 - 04 - 2015  أخر زيارة : 06-07-2015 (04:21)  المشاركات : 145 [ + ]  التقييم :  10  اوسمتي

لوني المفضل : Cadetblue

قم يا قصيدي واحتزم للمطاليب **** الك الشرف تمدح شريفين الانساب


ماني بمرسل للطنايا مناديب **** بزورهم عقب انعقد راي الاصحاب


سلام يا شمر هل المجد والطيب **** ياللي على طاريكم تفوح الاطياب


يا فزعة الصاحب وعز الاجانيب **** يا حكمة الشايب ويا قدوة الشاب


العز بحماكم يدق المناسيب **** ويقول هذا موطني بين الاقراب


والعز ما جاكم بحبر الكتاتيب **** وحبة خشوم اللي عن الشيمه اغراب


الا عقب سل السيوف المحاديب **** سيوف(ن) تفج نحور وتقطع ارقاب


ويقول ابن شامان يشكر تراحيب **** في واجبه يوم ارتخت بعض الاشناب


يقول فالعتبان خمسة عذاريب **** الطيب والنخوه وتقدير الاجناب


ودون الخوي ياطون حر اللواهيب **** وان حدت الدنيا يفكون الانشاب


واقول كان الطيب عند العرب عيب **** عيوب شمر واجد ولا لها حساب


منها الثبات ليا عوى الذيب للذيب **** لا من ولد اللاش عن ماقفه غاب


وتناول الطرقي بكثر التراحيب **** ودثر الشحم يوم ان للجوع مخلاب


وعز الخوي لا حان جذب التلابيب **** وستر القصيره لا هفى لابس الكاب


والعز والشيمه وحفظ المواجيب **** ولطم المعادي لا اقبل الجمع حراب


عزوة شيوخ(ن) يفتلون الاشانيب **** تاريخهم عمدان والفعل الاطناب


ما يجهل الجربا حصان الاطاليب **** ستر النسا ذيب الوغا درع الاصحاب


وابن رشيد اللي يعسف الاصاعيب **** ولا ينثني لو كشر الوقت بالناب


وابن طواله فالسنين المجاديب **** مثل المطر وليا اقبل الموت ما هاب


شيوخ(ن) يردون النوادر مصاويب **** واللي طمع فيهم عقب طمعته خاب


وفريس شمر يتعبون الحواسيب **** شيوخ(ن) من ادنى والزمن صفحة كتاب


بارواحهم يفدون حرش العراقيب **** ليا غدى لنار الاقاويل شباب


حرام ما اوفي حقهم بالمكاتيب **** يشيب قاف الشعر والمدح ما شاب


كلمة وفا ما ارجي وراها مكاسيب **** لو حام فكري فالسما حومة عقاب


ولا باقي الا بيت ما عنه تجنيب **** يقلط على شمر شباب(ن) وشياب


ضيوفكم في حكمكم يالمعازيب **** ورد الزياره مطلب(ن) حقه يجاب