لاتبحث الجاش ضاق الخلق=ياسعود انا ضاق بي صدري
ياحلو شمـة هبوبـن طلـق=بضحي والبارحـة غـدري
جوه ضبابن وشوفك شلـق=وتدور النـزل والـكـدري
مشيك خفا مع مضيق الفلق=اخاف بك واحـدن يـدري
خلك حريصن من علقة حلق=وحسب له حساب من بدري
ان طالعك بالعيـون البلـق=الصيـد للبيـت ينحـدري
ويصلق عيونه لصوبك صلق=وفلسـت يامفـوح القـدري
والله فرق بين خلق وخلـق=بهم الرضي وعكسه الودري
وناسٍ تجيب السوالف هلق=وشلـون للكـذب تقتـدري