ياشين من يضحك بوجهـك لياجيـت=ضحك البشوش بقلبن ابيض من الشاش
يرفع ندى صوته هلى والـف حييـت=ويحط لك زلن عـن القـاع وافـراش
وعقـب السـلام يعاتبـك ياتقهويـت=وش حاصلن يقـول ياعـل ماهنـاش
اناعتابي لـك علـى شانـك ابطيـت=وياعل ماناشك مـن الضيـم نـواش
ويقضـب عراقيبـك ليامنـك اقفيـت=عفن اللغى بعروض الاجواد حشـاش
هماز لمـازن والـو عنـه صديـت=للسانه على الغافل شطيـرن ونهـاش
هبيـت ياللـي بالعـانـه تربـيـت=يالعنبـو ه وسـاس جـده وقـطـاش
ويالله تلعـن كـل مـوذي سريبيـت=الخايـن اللـي للمخاليـق غـشـاش
ومن عاش بالوجهين يرضا التشاميت=واللي بذر حبه مـن الطلـع يعتـاش
الناس تفهـم ونـت حيلـن تماديـت=وياللي تحسبن غافلن هـاك بالكـاش