أحمد المحمود مـا دمـعٍ همـل=أو عدد ما حال وادٍ لـه وسـال
أو حدا حـاد لسلمـى أو رحـل=سار هاك الدار أو داس المحـال
أو عـدد مـاورد ورّاد الدحـل=أو رمى دلوه وما صـدر ومـال
أحمده دومٍ علـى حلـو العمـل=سامع الدعوى ومعـط للسـؤال
ما على راك لعا وأعلـى ومـل=حاول الطاعه على ما صار حال
ما حلا لولا صـدور لـه وهـل=لو ورد ما عدها الما لـه أطـال
ما رد حاله على حـال الوحـل=طال ما حسه لروحـه لا محـال
راد رود للمهـا سمـه سحـل=عاد صل لسعه أسـوا لـه وآل
ما دعى داع الهـوى إلا وسـل=روح مطرود الهوى ماله وسال
ما على ماسور دمعه لو هطـل=لا ولا مسـراه عـاد للهمــال
ما ورا ما هو عصى وال المهل=مالك العالـم وعـلام الاحـوال
ماسك صـارم هلاكـه والكسـل=ماسـك لعـراه معـدوم العـدال
عادم علم الهـدى مالـه وهـل=هالدهر دوم على طـول الأمـال
ما وراهـم كـود هـدام الأمـل=للملا حـراس لـلأرواح سـال
لو عطاه ومهلـه مالـه مهـل=هل على طول الدهر عمرٍ وطال
مـا سعاهـا سالـك إلا رحـل=الا ولا له كود لحـده والاهـوال
لـو رأى حالـه ومالـه للملـل=لام لوامـه علـى دار المـلال
دار لهـوٍ مالهـا طـرٍ عــدل=ما عداهـا لهوهـا دوم وعـال
حارس سلال روحه مـا سـأل=ما علـى راده المولـى سـؤال
حاكم عـادل ومـا رواه حصـل=آمر ما راد لـه راعـه وهـال
ما عد كاس المراره ما الحـول=للورود وما لـورد لـه عطـال
وارد كاسه ومـع أهـل الطلـل=ما لواهم له لـوى دوم وحـال
حال حاله لو راوا مالـه وصـل=عـاده أمـلاكٍ اكـرام للسـؤال
وسط لحد ما معه كـود العمـل=أو سواد الدود مع سوء المـآل
واعلى حل عـلا مالـه سهـل=عطله لهو الهـوى دوم ومـال
سامر اهوال الهوى واهوى وحل=ما طوا سـده وعـاده للهمـال
حاول السلـو وسـاوا للاسـل=والهوى له ساحر سلـه سـلال
راحمـه وال المـلا وال عـدل=صور العالم على حلـو الكمـال
دوم صلوا عد ما هدهـد وهـل=أو عدد ما حام أو هـل الهـلال