مشاركه اولى للنشامى...ارجو ان تحوز علي الرضا
وشاكر لكم دعودتكم
اركب على اللي صنّعوه النصارى =
=الياسرى تقضي ديون وطلايب
اسهرمعه جرّب حياة السهارى=
=في ليلةٍ شفت العنا والنكايب
داره لوان الوقت ماينتدارى =
=الليل ظلما والقمركان غايب
خله يماري لامشى واستدارى =
=تقول صابت لوبدى الحظ خايب
قالو شبح دام الشبح مايجارى =
=يرضي طموح اللي يبي للسحايب
اغرى نجوم الليل صارت تبارى =
=في تندته كانت بلا د العجايب
يرسي مع السيدين وسط المسارى =
=يعزف كمنجة ياحبايب حبايب
في سكبته عز وجنون ووقارى=
احيان يطري طاري الانتحارى =
=يغريك لوانك من الدرب هايب
سافر وانا عقبك علي انتظارى =
=ابتحرى وانت يالقرم نايب
ياسايقه هاذي صغار الكبارى =
=علوم ماعرضتها للزلايب
اكنها عن خايبين القرارى =
=اللي يزيدون النشايب نشايب
متخلفين عن سلوم وحضارى=
=يمشون في ركبٍ بليا ركايب
عطه الذي ماحيرته الحيارى=
=ينبيك عن علم الغريب الغرايب
هذاك في وقت اللزم ماتوارى =
=يكفيك لاكثرت عليك النوايب
حط الكرم والجود دايم شعارى =
=تلقاه في وقت الرخا والمصايب
اخوي دايم باللزم مستشارى=
=عندي ويسوى الاجنبي والقرايب
الوقت يسقيني بكاس المرارى =
=اسوق ميلاته زكاة وضرايب
ارقا مسّند والزمن بانحدارى =
=متمسكٍ في حبل والحبل ذايب
والعمر يجري والحرايق شرارى =
=خايف تولع بالضمير اللهايب
وكواكبي ماله مسار ومدارى =
=وعيّت تساعدني عليها الهبايب
اسهب وانا اللي عاشق الاختصارى=
=واموت لكن دون قبر ونصايب
الحلم مايشبع بطون الفقارى =
=و ماكل حكمه مصدره كان شايب
لاجيت اعبر ماتوفي عبارى =
=شاب والورق والشعرعبا الحقايب
رديت للقفيان بعض اعتبارى =
=افوز في لحظات شفت الغلايب
جتك البيوت اللي مساها نهارى =
=تخبرك عن سر الجروح العطايب
واقبل سلامي والبيوت القصارى =
=عسى زمانك وين مارحت طايب
حرفٍ كتبته والخلايق سهارى =
=عساي من ذنبه اجي يوم تايب