ابدأ بسم ربي بديع السموات = وانشر على الساحه ثمين الجواهر
جواهرن مامسها جيد اميرات = ولاتعب في حبكها كل ماهر
ولاخطته بنت الطرب والدعايات = اللي جماله حدث حصري وفاهر
ولانقش حرفه قليل المروات = اللي ماكب الهيل وسط المباهر
من شاعره عامت جميع المحيطات = وجابت من اعماق البحار الشواهر
عاقل وذربه وانقد الضعف بسكات = وماخفي كلام الحق اطلب واجاهر
ابري ضميري بالعدل والمساوات = واخاف من ربن عظيمن وظاهر
والشرهة اللي سقتها ضمن الابيات = بالطيب والعفه وزين المظاهر
اخلط معه ملح الاخاء والقرابات = غصن التسامح ورد مثمر وزاهر
واغلفه برق العطاء والتحيات = واسقي حروفه عطر غالي وباهر
ماهو زعل لكن من كبار شرهات = واللي خلق قلبي نظيفن وطاهر
اني ماحب الكبر والحقد بالذات = وشمسي نقاء ماشوهتها ظواهر
خطيت شعري باليدين النعيمات = ومنهو عرضلي يمتطي درب ساهر