بعض العرب لاعطيته وجه من طيبك=لـوّح علـى غاربـك واودعــك ملعـابـه
حـذراك شيـن الطبـايـع لايعـشـي بــك=كـــن حـــازمٍ بالـجـفـا خـلــك تـغـدابـه
تـرا الـردي بالخفـا يبـحـث عذاريـبـك=ويظهرلـك الـود كنـك غالـي اصحابـه
الله يـقـلــع رفــيــقٍ فــيــه مـايـريـبـك=لارده الله ولا شــــرواه مــــن لابـــــه
وحـيالله الـي يـحـس بـكـل مايصيـبـك=لاغبت يقلـق عليـك وتتعـب اعصابـه
لاهنـت حطـه عـلـى يمـنـى مناجيـبـك=قدره علـى الـراس واخـوٍ ربنـا جابـه
النـاس مخبـر ومظهـر فيـك وبجيـبـك=والتجربـه ماتخيـب عقـل مـن صـابـه
الصحـبـة الطـيـبـه يستـاهـلـه طـيـبـك=بيـض النوايـا يضـوع الخيـر جلبابـه