حي الله صاغ قافه على الشي= والعجز من زود البطاره على الشه
الغالي اللي من غثى البال تشي= وشكله من المرقوق مخّتش خشه
لابد ماصلف الهبايب يعشي= وطير السعد لابد يرجع لعشه
بعض المواقف كان تمشي ..فمشي= لاتصير حاطب ليل كل اش تقشه
احدٍ بعلم الخير وجهه يبشي= هذاك راس العز ياجاك نشه
واحدٍ مع الضوله معقد شوشّي= هذا حمو حيلك لياجاك وشه
وابعد عن اللي لاينش ويهشي= هذا زيادة عفش يالقرم طشه
بين النشاما ديم طشٍ ورشي= ولاخير في ناسٍ تلّوي خششّه
العمر يفنى يافتى لاتكشي = العرف والمعروف حيه وعشه
وانا على فالي ادرعم واخشي= لو كل خلق الله تماعط شوشّه
دايم وجيه الخير لاماتغشي= واللي عزيزٍ بالخفى ماتغشه
ولو قيل ويش السالفه ؟ قلت وشي ؟= ليتي عرفت العلم من قبل اخشه
لاهنت ياللي لك بنفسي مخشي= إن جاك مني جمشتن فانت ..مشه