يـاطـيــر ياللـي بعـالـيـات المراقيب = سلـم علـى مـدعـوج عينـي وقله
لك صاحب بين الجروح المعاطيب = يسهر ومن كثـر السهـر فيه عله
يكتب علـى شـانـك كـثـار المكاتيب = ويقول من شوقي ابي شوف ظله
لاتـتـعـبـه مهـدود بـكـثـر المتاعيب = قلبـه مـن سنـيـن الدهـر مظمحله
يدعي ومن كثر الدعـاء واللواهيب = مـاعـيـن الا مـرقـبــي فـي محله
قـال انتخـي ياطيـر يـابـوالمخاليب = قـلت السعـد ابـشـر بـه اليـوم كله
قال اتجه من قبـل مايـكـثـر الشيب = وينكر وصوفـي وينكر الخل خله
داره شـمـال ومـنـبـعـن للتراحيب = سـهـم الـمعـادي ماتـجـي سلعة له
سـلــم عليـه بـعـالـم السـر والغيب = لايشـوفـك الحـاسـد ولا ينـتـبـه له
حرفين وصلها بعيـده عـن الريب = امــا يـجــي والا حــيـــاتــي بحله