يالله ياللي تعلم السر والغيب = ياللي تعرف انواع الاسرار جواي
ابـ سئلك يالله عن منوة الذيب = هي عايشه والا تطوت بدنياي
جتنا زياره بالسنين المعاطيب = بشرى ثلاث سنين في ظل ممشاي
في عامنا العشرين ماكان بي شيب = ولاكنت احسب الشيب يلحق على اقصاي
قلت اسئلك بالله قالت تراحيب = لاكن ترى ماياكل الذيب بحشاي
صغيرة توه بسن المواهيب = وانا شباب وطايش ماعرف دواي
تشفق عليها من سموم اللواهيب = ودي احطه بيني وبين مركاي
سئلتها قالت انا الشك والريب = وجنسيتي ماهي بحكمي ولا رضاي
مولودة بغربي مدينة تلابيب = وابوي عضواً تحت ظل ابوعداي
اصلي وفصلي فيه مليون تركيب = وابوي مادري من أي دوله شرب ماي
رجعت متأسف ومحتار ومهيب = ومضيع باقي عفوشي بدنياي
ياناس دلوني على الدرب لاغيب = ومن قبل ماتكبر مع البنت بلواي