ما بقا للشعر في صدري مكان =سد بابه دون فكري وانتهيت
استثير الحرف من عطف وحنان=خوف قلبي ينكسر لامن بديت
ابتديته والعمر ساعة زمان=ابتديته واعتلا وفيه اعتليت
ياحروف الشعر قولي له عشان =لاسمع فواز يدري كم شكيت
شيخ للعليا وثب صهوة حصان=كم سمعنا به وشفنا كم قريت
ستر عذرى ما لقت قبله اامان=شيخ شال العز من طيب وصيت
شيخ للتاريخ به مكسب رهان=شيخ اكفاني وعن غير اكتفيت
صدق منطوقي يسوق اصدق بيان=للمراجل وش كثر عنده لقيت
يا عقيد القوم ما هي بالسان=ان بديت القول وفّيت ووفيت
صحصح الحق الذي فيني مصان=للأمير اللي وقف لي وما مشيت
ما مشيت!!ألاّ مشيت وبيت بيت=القصيده فيك يالفارس حصان
ساحة الميدان يوم اني نخيت=منهو غيرك يالأمير اعطا ضمان
ومنهو غيرك يالأمير يومٍ غديت=في ليالي كلها ذل وهوان
فيه والله يالنشاما اهتديت=عقب ماني احسب الاربع ثمان
اعترف بأني قبل فواز..ميت=اعتق رقبتي معزّه وامتنان