بسم الله الرحمن الرحيم
أشكر وفائك أستاذنا عبدالعزيز بن بليهد
وانا والله ما كتبت بحايل لكن هالحين ابكتب وانشالله
تزهى وتليق بمهد البطولات:
أنا داري وميرادي بحايل= ولا لاهل الخنا فيها معاني
ولكن الزمن خاين ومايل=على دمع القهر دمي حداني
انا والله وثم الله زايل=ولوني حاضرٍ ما هو مكاني
على الماضي على الماضي غلايل=ثوى بالمجد سواق السواني
اويلي آه يا وجدي ياحايل=احبك وانكرك واسرج حصاني
ألد ووادي الاوهام سايل=عطشت لشايتي والما نكاني
أطولك واسبحك والموج هايل=ولكن ما على بحرك مواني