ســــلام مـنــي يـاصــلـك يابـوسلمان = من شاعراً خش البحور وقصدها
تــفـــزلك كــل الـقــوافـــي والاوزان = من الله ومن طيبك ترتب عـددها
حـيث ان لك بالطيب مـوقـع وعنوان = ومراجـلك بـالـعــون كــل شهدها
بـين المـكـارم والفـخـر شـانـكـم شان = بالعــدل والاحـسـان زايـد جهدها
متـوارثــين بـالـوفــاء طـيـب عشوان = نعم بكم ياهـل البويضـاء واسدها
كبـيـركــم معــروف فــي كــل ميدان = وصغـيركم كـل المراجـل وجدها
يقـولـهـا الشـاعــر علـى كـل الاحيان = لا عدوا اهل الطيب عدوا عهدها
بيض القلوب اللي على صدره ايمان = ومـن سـادة الاخــلاق هـذا سعدها
كـل الحـكـم فـي مجلـسـك يابوسلمان = ماحداً سبق طبعـك ولاحداً وردها
يـامـسـدر العـشـوان مـانـــي بغلطان = ولايخطـي الشاعـر اليـا قال زدها
مــواقــفــك قـــدام ربـعــك والاعيان = يكفـيـك بـرقـه فـي ليـالــي رعدها
ماهـو غريب الطيب بعـيـال عشوان = سـاس الجـمايـل والمـكـارم سندها
قبـيـلـة مـن عهـدهـا وعـهـدهـا الان = تحمي حدود ارضه وتحلحل عقدها
واليـوم ابـوسـلـمـان يـاسـعـد سلمان = بـالـوالــد اللـي بـالـمـراجــل مهدها
ماهـو من اللـي دايـم الـدوم عجلان = والـيــا تــكــلــم كــلـمــتـــه يعتمدها
خـبـرة مجـرب مـاخـذاهـا بالالوان = يعـرف رموز اخـيـارهـا ويحصدها
يـوم انها رجلـي ويـوم انها حصان = ويـوم انهـا بالجـيـب صـنـعـة هددها
متواضع بالطيب طيـبـة هـل الشان = نـعـم الشـيـوخ الشـامـخــه فـي بلدها
الله عطاني الشعر من دون نقصان = ومن سمعها من هالبـشـر قـال عـدها