تغيبت محبوبتي وما لفت طيف=وانا أحترق والروح يلهب سناها
راحت وقلبي يعتصر بالتحاسيف=ما غير اسأل خاطري من خذاها
من غير.. ليش.. و ليه أو وين.. او.. كيف=ولا عرف انا وش غيره وش بلاها
كل يوم اسلي خاطري بالسواليف=واقول حبي ساكنن في حشاها
وارقى رجوم العشق.. فوق المشاريف=واقعد اسامر دمعتي في رجاها
معقول كنت بصدرها.. حسبة الضيف=ولا سحابة عابره في سماها
كل يوم نفس الحال ماطاب لي كيف=وطال الفراق وطولت في جفاها
يكفي تعب.. ياقلب يكفي تحاسيف=الروح ذابت واتعبت من عناها
يعني على ما قيل من باب توصيف=في بيت يبدي بقصته منتهاها
خلاص يكفي من هنا.. لآخر.. الصيف=ان عودت مسموح.. ولا.. بلاها