• على شانك تحمّلت العنى يالخاطر المكسور=• أبيك تقولها كلمة وأنا بعرف بها الباقي
• ترى حب القلوب الصافيه ماعندها مستور=• تكاشف لك سرايرها، مثل هتان براقي
• تمنيتك تجي عندي وتسكب عطرك المشهور=• وأجي يمّك أنا كلي وأبكشف كامل أوراقي
• غريبة ماتوقعتك تشوف إن الظلام النور=• أنا همي على قربك!! وهمّك تكسب فراقي
• مادام إن الزمن هذا سنينه تنحسب بشهور=• ترى صبري معك يحسب ثواب وعند خلاّقي
• لي الله والزمن دوار .. وماضي حبنا مهدور=• قتلته والسنين عجاف ومات الورد والساقي
• فمان الله وأعذرني بهاجر عن دروب الزور=• أموت ولا أخون الحب،وهذي ميزة أخلاقي
• على شانك تحمّلت العنى يالخاطر المكسور=• ولا أبي اسمع الكلمة !! ولا بي اعرف الباقي