يادموع عيني بسّك اليوم تبكين=حزن الفراق اللي تناقلته أعيان
نبكي على منظر يقطّع بسكين=تفاحةٍ بأعلى ضلوعي والأبدان
ونفخر ترى بموقف يعدل الموازين=هذا الرحم..إيه الرحم..فعلها بان
ضحّت بعمره وإفتدت ناس غالين=بنته عسى ربي يحفظه يارحمان
قالت أنا ما أبغى السلامة وبعدين=أنا مناي إن (ريف) ماتمس نيران
ونادت ياعالم إلحقوا بنتي بحين=ياخادمة دونك بنيّتي الآن
ياخادمة خوذي حبيبة ملايين=محبته تطغي على كل شريان
قولي لها "أمك" تبغالك الزين=وتبني لك العليا على كل ميدان
وإنه على نفسي بدّيتها لين=شفت بعيوني موتي اللي علي حان
ياغاليه قدرك على الراس والعين="الوالده" بِرّه فلا يلحقه إنسان
إحساس (ريف)اليوم ماهو بمسكين=إحساسها كل الفخر يتبعه دان
تسطّر لها أمه بفعله دواوين=ويقصد بها الشّعار في كل ديوان
تبقى لكل الناس وشموسها تبين=ويبقى الوفاء دايم على مر الأزمان
سَطّر ياتاريخ الشعر فعلة إثنين=حطوا لهم قدرٍ وخلوا لهم شان
أرثي بقصيدي أم وأب وعناوين=من الوفاء في يوم روغات الأذهان
ياالله ياخالق عباده من الطين=يالله يامروي شعوبٍ ووديان
(أم ريف) ترحمها وياسامع آمين=وتغفر لها ذنبه وتفتح لها جنان
وترحم بعد (أبوه) وتجلى لها البين=وتقبل عملهم يارحيمٍ يامنان
موقف مثل هذا يهز السلاطين=موقف مثل هذا يِسجّل بحسبان
حنا ترى يا(ريف) هالحين ماشين=حنا لأجل عيناك مجلى ومزبان
حنا ترى يا(ريف) دايم على الدين="شمر" ترى ربعك وحنّا لك إخوان
وصلاة ربي عد ورد البساتين=على شفيع الخلق من نسل عدنان