بيانات اضافيه [ + ]

رقم العضوية : 3249  تاريخ التسجيل :  13 - 05 - 2012  أخر زيارة : 01-06-2015 (09:28)  المشاركات : 117 [ + ]  التقييم :  10

لوني المفضل : Cadetblue

اهداء لعمي قريش الدبيان ابو مازن


الشوق شاطئ والغريب السفينه
والموج دورات الزمن والحصايل

بعض البشر يزرع هموم وغبينه
والبعض مثل الجوز عوده تمايل

يسج بي واسجّ وانشدك وينه
والشوق مثل الرمل لامن تهايل

سريت مثل الطير شرق المدينه
ولا انتبهت الا بضلعان حايل

يسوق بي شوقي وانا عند عينه
كلما نخاني قلت جتك الجزايل

من دور حاتم والصخى كاسبينه
ماهي علومٍ لصمقت بالمثايل

به ترجهن النفس لوهي حزينه
وله يسفهل الشعر قول وفعايل

وجدي تعدّى طيب جبّه ولينه
يمّ الجزيره بوصلتنا تخايل

ياقريش دمعي لو يحشمن أهينه
ماهوب عيب ان حدّر الدمع سايل

لاتحسب ان الحال بالبعد زينه
لو إن جيبي بالريالات مايل

أنت السّعد لظروف وقتي خزينه
وانت السند يوم المعفنة تحايل

وانت الوفي لاباع كلٍ عوينه
وانت الذَّهَب لاسولفوا بالحمايل

تصبر على بلواك لو هي سمينه
مثل الجمل تبرك لشيل الثقايل

وانا حصوني من رباتك حصينه
حاشم لساني عن هروجٍ نقايل

ولاني اللي سارحٍ في بطينه
من مجلس لمجلس علومه هزايل

ماشلت في صدري حقودٍ دفينه
ولأقول قولٍ غير بالفعل طايل

لاصار ماضرب الفتى من يمينه
بنعاف لو قالو كبير الجمايل

العين ترجي شوفكم يا ظنينه
والظرف بإذن الله مقفّي وزايل

إربط حزامك بالولي واستعينه
ولايقحم الميدان كود الاصايل

وانا الغريب ووجد روحي سفينه
والموج عاتي والظروف الحصايل

#‏فارس_الدبيان