البــارحه غنيت يــوم الليــل طــال=يــوم التفت ولابقى حــولي كلــيم
صدري من الدنيا تحمل كل حال=ضــايق ومتكــدر وربي بـه عليــم
لاقلت هــانت قال وقتــي مين قال=قلت أستوت لي قال أولع فالهشيم
وانا على الشداد صـابر كالجمال=أشيل حزن الناس وآبعد عن للئيم
مــانيب مــن همــه عصير البرتقال=والشــورمه وتــوكس جعله للجحيم
لين انتفــخ علبــاه يشبــه للبــغــال=ماقد سـرى بالليل الاظــلم فالعتيم
وانا ادري انك يالغــلا ست الكمال=يامن تخلي جــرح قلبي فالسـليم
آمنــي جــروحي بطيــفك والسؤال=قربك هو الغـايه وانا بحبك اهيم
اتــوق لك واشتاق واطمع فالوصال=غادي وشوفك وجهتي ياغلأ *نديم
تغلــط واطوفهــا وذا طبع الرجــال=لازل محبــوبه عــن الغلطـه يشيم
لكن ترى تعبــان من بعض الكلام=ومن الرسايل للأسف كانك فهيم
آمــا تعــدل معي واثبت بالفعــال=ولا بلاش تلف واضــرب بالصميم
الصدق طبع الناس وافين الخصال=قل ماتراه مناسب لوضعك وآديم
تدري من اللي لاحمل شل الجبال=قلبن تعرفه في ضلوعي لك مقيم
واليــوم لاتــزعــل ولا تنفخ تعــال=أبيگ انـا يـازيــن خلـك مستقيـم