البداية ..لكل شخص ..لكن اسرار النهاية=الوفيين استمروا ..وراحوا اللي عابرين
يا صديقي في طريقي كم عابر كم تايه =كم شفت واعترفت الوفا شيء ثمين
يا سخافات الحسايف..لكل عابر من ورايا =كم طعنت وما استعنت الا برب العالمين
لكل ماضي كان فاضي واعتراضي منتهايه=كم تجيني تعتريني كل ضيقات السنين
احتويت ..واكتويت ما نسيت اللي معايه=و ما انكسرت وكم عذرت وخبت يالعذر السمين
الوجيه اللي تجيني ما لها بالطيب غايه =والوجيه اللي نسيته مالها قدرن ثمين
انت واحد منت شاهد وانتعاهد ...يا غلايه =يا بدايات الاماني...يا نهايات الحنين
اهتمامي واحترامي في كلامي والحكايه =كلها قصة مشاعر ..والمشاعر تستعين
بالقصايد والفرايد من قصيدي من عنايه =في حروفي سر جوفي اكتبه مدري لمين
استوائي واحتوائي وازردائي يا منايه =للعقارب مو اقارب ابعد من اللي تهقين
انثريني واجمعيني ..من شذا عبق الروايه =واكتبيني سطر واحد كان يمدي تكتبين
استبدي واستعدي ..كان ودي يالمرايه =المح بوجهي عباره صادقه عبر الانين
استقري فوق جمري واحضنيني يا هوايه=يكشفوني من عيوني واضح السر الدفين
البداية ..كانت اوضح من تفاصيل النهاية=وبالنهاية ما يكمل معك ناسن عابرين